--------------------------------------------------------------------------------
هــذي صوورة الشــاااعر
الــشاعـر/ ســلطــان بن بندر بــن بــتــلاء
صباحكم خير ومسائكم ايضا َ
مجلات .. تلفزيون.. شارع .. بيوت ..اسواق
مدارس ..عروس .. وجامعات "الحلا والزين"
**
ماشفته بـعمري غـيــرمن يوم شفت اشواق
ياعمـي بـلا مريـام فـارس بـلا داريــن
**
جمـالـك تـحـوّل.. للمـزاجـات والاذواق
مـن يشوفـك يشينـون بعيونـه الحلويـن
**
ماتدرين وشهـو مستـوى حسنـك السـرّاق
مصيبه وش تسوين بالنـاس لـو تدريـن؟؟
**
صراحه.. جمالـك شـي طاغـي ولاينطـاق
صراحه ..انا توي شعرت ان عنـدي عيـن
**
اباكتب بك وحسيـت انـا والشعـر بارهـاق
لاءنا مانـدري فيـك نبـدا المديـح منيـن!!
**
هو العين.. والا الرمش .. والا التفاف الساق
هو الفم .. والا الخشم ..والله مـدري ويـن
**
يبي لي عشان اوصّفك زيـن.. بـوك اوراق
وللعضو اسوّي به قصيده.. لاجـل ترضيـن
**
مثال ..( اكتب بعينك قصيده ) علـى مـالاق
و (رمشك قصيده) ياعسى الله عليـك يعيـن
**
احبك .. وحسّي كلمة ٍ جـت مـن الاعمـاق
صراحه مابي حيـل انتظـر ليـن ماتحسيـن
**
انا اشوف تحويلـة نظـرك لسـواي فـراق
وش اقول وانتي غايبه لـك يجـي يوميـن!!
**
طغيتي علـى بنـات جيلـك وحسنـك فـاق
علـى قلـب رجـال مهاويـك ماتطغـيـن؟؟
**
يقولون ناس : (اهم حاجـه هـي الاخـلاق)
ووش زينها لاجاتك البنـت عقـل .. وزيـن
وسلامتكم
__________________
موضوع: أشــوواق 
السبت يونيو 27, 2009 3:39 pm
